Ministri Krasniqi vizitë në Dresnik – zbulime arkeologjike

Nga: URBANmagnet - 2014-11-12

Gërmimet e vazhdueshme në Lokalitetin Arkeologjik në Dresnik të Klinës kanë rezultuar me gjetje të reja shumë interesante dhe të rëndësishme për njohjen e qytetërimit të hershëm në Kosovë.

Gërmimet e vazhdueshme në Lokalitetin Arkeologjik në Dresnik të Klinës kanë rezultuar me gjetje të reja shumë interesante dhe të rëndësishme për njohjen e qytetërimit të hershëm në Kosovë.

Nga gërmimet që janë zhvilluar në këtë vit janë zbuluar edhe dy dhoma me mozaikë shumëngjyrësh. Vitin e kaluar ishte zbuluar një objekt me 4 dhoma me mozaikë, secili i veçantë. Përveç këtyre, në këtë vit është zbuluar edhe një mur rrethues i qytetit të lashtë, me gjerësi 3.7 metra.

Po ashtu janë gjetur edhe monedha të perandorëve të ndryshëm romakë të shekullit III dhe IV, si dhe copëza të shtatoreve dhe shtyllave të punuara nga mermeri. Në disa sonda të gërmuara ndërkaq janë gjetur mure dhe struktura të objekteve të ndryshme. Arkeologët nga Instituti Arkeologjik i Kosovës konsiderojnë se me këto është zbuluar një qytet dardan i periudhës romake.

Për të parë nga afër punimet dhe gjetjet që janë bërë, sot në Dresnik ishte Ministri i Kulturës, Rinisë dhe Sportit, Memli Krasniqi. Ai përgëzoi arkeologët për punën që kanë bërë tash e dy vjet dhe e konsideroi këtë lokalitet si tejet të rëndësishëm.

“Padyshim se rezultatet nga gërmimet janë evidente. Dresniku është një prej lokaliteteve arkeologjike me të rëndësishme jo vetëm në Kosovë por edhe në rajon, dhe si i tillë mbetet prioritet i yni edhe në vitet e ardhshme. Ne do të përkrahnim Institutin Arkeologjik që të vazhdojë gërmimet në këtë hapësirë prej rreth 30 hetarësh ku shtrihet ky qytet i lashtë”, ka thënë ministri Krasniqi. Ai shtoi se planet janë që Dresniku të jetë një nga pikat më të rëndësishme në Kosovë.

“Përveç në gjetje të reja dhe konservim, siç kemi bërë nga fillimi ne do ta kemi Dresnikun prioritet të lartë dhe do të përkrahim Institutin Arkeologjik që këtë hapësirë ta transformoj këtë lokalitet në park arkeologjik, dhe të jetë një prej atraksioneve turistike të vendit tonë”, tha ai.

Arkeologu Masar Valla, që ka udhëhequr gërmimet në këtë lokalitet, tha se përveç tjerash zbulimet janë një kontribut i madh për shkencën. Ai falënderoi ministrin për përkrahjen e vazhdueshme që ka dhënë për procesin e gërmimeve në përgjithësi, e në veçanti për ato në Dresnik. Valla tha se do të ketë punë të vazhdueshme deri në gërmimin e gjithë hapësirës, që do të qojë deri në zbulimin e tërësishëm të qytetit.

E drejtoresha për Kulturë në Komunën e Klinës, Tushe Mehmetaj tha se për komunën e tyre është mjaft e rëndësishme zbulimi i këtij qyteti dardan. Ky zbulim, tha ajo, do të jetë një element i rëndësishëm për zhvillimin e turizmit, si një aspekt i rëndësishëm për zhvillim ekonomik./URBANmag.net

Ministria e Kulturës Rinisë dhe Sportit /Republika e Kosovës

L

ajmet më të lexuara

Sa më parë të nisë ndërtimi i xhamisë qendrore në Prishtinë

Lidhja e Historianëve të Kosovës “Ali Hadri” dega në Deçan, është shprehur kundër nismës së një grupi të njerëzve, të cilët duke kundërshtuar ndërtimin e Xhamisë Qendrore në Prishtinë në lagjen “Dardania”, me arsyetime, siç thuhet, të kota, po tentojnë të prishin paqen dhe harmoninë midis feve në Kosovë.

Festivali i Arkitektures ne Kosove 2017

Festivali i Arkitektures ne Kosove kete vit to filloj me daten 3 korrik dhe do zgjas per 3 muaj me aktivitete ne qytetet kresore te vendit. Gjithsej do organizohen 6 puntori te udhehiqura nga Future Architecture fellows si dhe nga Simon Battisti, kuratori i paviljonit te Shqiperise ne edicionin e fundit te Biennales se Venedikut. 3 puntori do organizohen ne Prishtine, 2 ne Gjakove, kurse puntoria dokumentuese e udhehequr nga DoCoMoMo_Kosova dhe DoCoMoMo_International do organizohet ne disa q

Stop Krimit Arkitektonik

Të jesh aty ku ndodh vetë ngjarja, e ti mbyllësh sytë, ta kesh armën në dorë, por jo dhe dijën që ta përdorësh atë, të fshehësh kokëulur, prapa xhamave të fortesës të cilen ti më shumë se cdo kush tjetër duhet ta mbrosh.